1906- нчы елдан башлап, дөньякүләм Халыкара кошлар көне билгеләп үтелә

1906- нчы елдан башлап, дөньякүләм Халыкара кошлар көне билгеләп үтелә. 1906-нчы елның 1-нче апрелендә кошларны саклау буенча Халыкара конвенциягә кул куела, ә Рәсәй моңа 1927-нче елда кушыла. Шулай итеп, безнең илдә 1927- нче елның 1 нче апреленән башлап кошлар көнен үткәрү традициягә әверелә.
2 апрель көнне Халиулла Әхметшин исемндәге Елховой авыл тарихы музее хезмәткәрләре, Елховой урта мәктәбенең 8 сыйныф укучылары өчен «Безнең төбәк кошлары» исемле музей дәресе үткәрде.
Чара укучыларның кошлар турындагы белемнәрен тирәнәйтү, канатлы дусларыбызга карата кайгыртучанлык, сак мөнәсәбәт тәрбияләү, максатыннан үткәрелде. Ике командага бүленеп, ярышта катнашучылар кошлар турында табышмаклар, кош исемнәреннән төрле сүзләр ясау, аерым бер хәрефкә башланган кош исемнәрен искә төшерү, һ.б. күп төрле кызыклы ярышларда көч сынаштылар.Чара ахырында музей хезмәткәрләре укучыларга кеше табигать турында күп белергә генә түгел ,аны сакларга , да тиеш икәнлеген искәртте.