31 елдан соң фотоны кабатлау

31 елдан соң фотоны кабатлау.
8 нче октябрь көнне Кичүчат урта мәктәбендә гомернең күңелле мизгелләре, тарихны кабат әйләндереп, мәктәп директоры Талипова Нәркәс Мөкатдәс кызы 1994 елгы төшерелгән фотодагы укытучыларны күңелле очрашуга чакырды.
...Очрашу... Истәлекләр... Кичерешләр. Күпме кар эрегән, күпме су аккан. Кояш баеган, ай күзләгән , йокламый дәфтәр тикшереп утырган укытучы.
Күңелле истәлекләрне бер-берсен бүлдереп, янып, көеп , искә төшереп, рәхәт итеп әңгәмә корып утырды мөгалимнәр. Вакыт узу белән истәлекләр яңара, күңелле чаклар искә төшә. Һәрберсенең сүзе тыңлана, хуплана, азагы тагын да күңелле дәвам ителә.
Укытучы. Нинди мәртәбәле исем. Укучыларның, әти -әниләрнең күңелендә мәңге истә кала аның сабырлыгы, үткенлеге, борчылуы, ярдәмләшүе. Әлеге һөнәр ияләре сабыр да, җитди дә, мәңге яшьләр. Чөнки күңелләре мәңге изге аларның.