20:26 21.04.2026 16+
Халкыбызның зур байлыгы, кадерле рухи хәзинәсе — аның теле. Безнең телебез — татар теле. Зур тарихлы, бай, җырлы — моңлы тел.
Татар теленә мәхаббәт уяту ул гаиләдә һәм мәктәптә тел дәресләрендә әкренләп формалаша. Туган телебезгә карата мәхаббәт тәрбияләү, телебезне саклау максатыннан Кичүчат урта мәктәбендә ел дәвамында төрле чаралар, очрашулар гел булып тора. Ә апрель аенда, татар халкының бөек шагыйре, милләтебезнең горурлыгы , йөзек кашы булган Габдулла Тукайның 140 еллыгы уңаеннан укучылар үз иҗатларын горурланып тәкъдим итә: рәсем конкурсы, иҗади эшләре, чыгышлары. 20 нче апрельдә алар "Тукаебыз әсәрләре сәхнәдә" исемле чыгышларын тәкъдим иттеләр. Язучы әсәрләре нигезендә, хәзерге тормыш күзлегеннән, аның тәрбияви чараларын яктыртып киттеләр. Һәр укучы үзе әлеге чарага керткән өлеше белән горурлана.
8
Оставить сообщение: